PROGRAMI I MUAJIT QERSHOR
TEMA: NJOHJA ME KARAKTERISTIKAT E STINËS SË VERËS

Java 3

Tema: Ngjyrat dhe numrat tek veshjet e fëmijëve në verë.

Dita e hënë – Veshjet shumëngjyrëshe të stinës së verës.

Rubrika e bisedës

Edukatorja iu shpjegon fëmijëve se në verë veshjet janë më lehta se në çdo stinë tjetër, pasi është shumë nxehtë. Veshim bluza me mëngë të shkurtra, fustane, funde, pantallona të shkurtra, sandale, vendosim kapelën, syzet, etj.
Presim dhe ngjyrosim veshjet.

Rubrika – Mini-sfilata me veshjet e stinës së verës.

Fëmijët së bashku me edukatoret krijojnë veshjet me mjete të riciklueshme dhe realizojnë sfilatën.

Dita e martë – Përsërisim ngjyrat përmes veshjeve

Rubrika e bisedës

Edukatorja iu shpjegon fëmijëve se stina e verës ka shumë ngjyra, prandaj edhe veshjet në verë janë shumëngjyrëshe.
Identifikojmë ngjyrat.

Rubrika – Aktivitet

Fëmijët mësojnë të kujdesen për rrobat. Së bashku me edukatoret bëjnë sikur, lajnë, palosin dhe sistemojnë rrobat.

Dita e mërkurë – Kapela dhe syzet e mia

Rubrika e bisedës

Edukatorja ju shpjegon fëmijëve se, kur vjen vera vendosim kapele/syze për t’u mbrojtur nga rrezet e diellit gjate qëndrimit në plazh, pishina ose kur dalim për shëtitje.
Fëmijët ngjyrosin modele kapelesh dhe syzesh.

Rubrika e punës me dorë

Edukatoret së bashku me fëmijët krijojnë kapele dhe syze me anë të letrave me ngjyra.

Loja energjike

Zhvillojmë lojra energjike të udhëhequra nga edukatorja.
Fëmijët kalojnë pengesat duke u zvarritur e hedhur.

Dita e enjte – Numërojmë veshjet dhe lodrat e plazhit

Rubrika e bisedës

Edukatorja iu tregon fëmijëve se kur vjen vera, ne shkojmë në plazh/ pishina.
Me vete marrim lodra: top, kovë, krahëza për notim, lopata me forma të ndryshme, rrobat e banjës, shapkat, kapele, syze dhe nuk harrojmë grepin e peshkimit.

Rubrika e lojës

Të gjithë në tren/ Improvizimi i udhëtimit me tren.

Kënga “Tren o tren”

E premte – Krijimi i një moketi për stinën e verës dhe improvizimi i plazhit në çerdhe.

Rubrika e punës me dorë

Edukatorja së bashku me fëmijët krijojnë moketin për stinën e verës.

Rubrika e punës me dorë

Fëmijët me ndihmën e edukatores krijuan detin/ mësuan ngjyrat/ numëruan/ pikturuan.

Rubrika e aktiviteteve

Me fantazi sollëm detin në çerdhe.