PROGRAMI I MUAJIT MAJ
TEMA: FORMAT E ARGËTIMIT, SPORTET DHE LOJËRAT

Java 1

Tema: Format e Argëtimit dhe Sportet

Dita e premte: Njohja e emocioneve dhe vizatimi i buzëqeshjes

Rubrika e bisedës: Buzëqeshja.

Buzëqeshni sa më shumë: buzëqeshuni njerëzve, kafshëve, qiellit dhe tokës dhe do shihni që edhe ata do t’ju buzëqeshin. Buzëqeshjen e kemi dhuratë nga natyra. Kur buzëqeshim bëhemi më të bukur! Buzëqeshni!

Rubrika e vizatimit: Vizatojmë dhe ngjyrosim një buzëqeshje.

Edukatorja demonstron sa thjesht mund ta vizatojmë dhe ngjyrosim një fytyrë të buzëqeshur.

Ilustrim me fëmijë

Vogëlushja Heidi, 2 vjeç po ngjyros fytyrën e buzëqeshjes me ndihmën e mamit.

Rubrika e punimit të dorës: Vajza e buzëqeshur.

Vogëlushja Arsi dhe mami i saj krijojnë një vajzë flokëverdhë të buzëqeshur me letra kartoni, një pjatë pastike dhe bojëra.

Rubrika e bisedës dhe Punim me dorë: Emocionet

Ne përjetojmë shumë lloje emocionesh: gëzim, trishtim, frikë, habi e të tjera. Edukatorja bën një punim me lugë plastike dhe tapa shishesh për të treguar disa nga llojet e emocioneve njerëzore. Më pas, ajo i shpjegon ato dhe tregon në cilat situata mund t’i ndiejnë fëmijët këto emocione.

Rubrika e Përrallës: “Tre fluturat”

Edukatorja tregon një nga përrallat më të dashura për fëmijët, e cila flet për 3 flutura që u kërkojnë ndihmë 3 trëndafilave në një ditë me shi.

Rubrika e këngës

Kënga Lëvizore “Nëse ti je i gëzuar…” interpretohet bukur nga edukatorja, që fëmijët ta imitojnë në shtëpi.

Lëvizjet e këngës “Nëse ti je e gëzuar…” na i tregon edhe vogëlushja Heidi në këtë video.